ҶУМЪАБЕКИ 62 СОЛАРО ЧӢ ЗАРУРАТ БУД?

Душанбе, 16 март. (АМИТ «Ховар», Жасмин Назарова). – Ҳангоми гузарондани чораҳои фаврӣ-ҷустуҷӯӣ аз ҷониби кормандони бахши мубориза бар зидди ҷиноятҳои муташаккилонаи ВКД ҶТ дар вилояти Суғд, ҳангоми доир намудани чунин амалиёт дар идораи алоқаи ноҳияи Истаравшан шаҳрванд Ҷумъабой Носиров, соли таваллудаш 1991, истиқоматкунандаи ноҳияи мазкур дастгир гардид. Ҳангоми кофтукови шахсӣ аз борхалтаи ӯ маводи сахттаъсири героин, ки вазнаш 1 кг 968 гр ташкил медод, дарёфт ва мусодира карда шуд. Инчунин аз ҷониби кормандони мубориза бар зидди ҷиноятҳои муташаккилонаи шӯъбаи корҳои дохилии ноҳияи И. Сомонии пойтахт, дар кӯчаи Айнӣ шаҳрванд Ҷумъабек Ҳодиев, соли таваллудаш 1948 боздошт намуданд. Зимни кофтукови шахсӣ аз борхалтаи ӯ маводи нашъадори 1 кг 484 гр навъи бангдона, дарёфт ва мусодира шуд. Нисбати ин далелҳо парвандаи ҷиноӣ оғоз шуда, тафтишот идома дорад.