МАҶЛИСИ ШӮРОИ ДОИМИИ СААД

Душанбе,  22 март. (АМИТ «Ховар»). —  19   март дар шаҳри  Маскав  Маҷлиси  Шӯрои  доимии  Созмони  аҳдномаи  амнияти  дастаҷамъӣ  баргузор  гардид. Дар он  Муншии  умумии  созмон   Николай  Бордюжа  иштирок намуд. Намояндагони  ваколатдори  мамлакатҳои  аъзои  созмон  лоиҳаи  ҳуҷҷатҳоеро  баррасӣ  намуданд,  ки  ҳадафи онҳо  густариши  фаъолияти  минбаъдаи  созмон  мебошад.  Аз  ҷумла,  дар  маҷлис  лоиҳаи  нақшаи   фаъолияти  давлатҳои  аъзои  созмон  дар   бобати  муқаррар намудани   низоми  вокуниши таъҷилии  дастаҷамъӣ   ба   вазъияти  фавқулодда муҳокима  карда  шуд. Ҳуҷҷат  дар  доираи   созмон  ба  вуҷуд  овардани  системаи   ҷалби  муташаккилонаи  қувваҳо  ва  воситаҳои   давлатҳои  аъзои  СААД – ро  бо  мақсади   пешгирӣ  намудани  вазъияти  фавқулоддаи   дорои  хусусиятҳои табиӣ  ва техногенӣ, инчунин  мавридҳои  бӯҳроние, ки  оқибати онҳоро танҳо  бо қувваю  имкониятҳои  давлати  зарардида  бартараф  кардан  мумкин  нест,   пешбинӣ  менамояд..