МУНШИИ УМУМИИ СММ БА ТОҶИКИСТОН ОМАД
Душанбе, 5 апрел. (АМИТ «Ховар», Пайрав Назаров, Фарангис Раҳимова ). — Муншии умумии СММ Пан Ги Мун баъди чошти имрӯз барои боздиди корӣ ба шаҳри Душанбе ташриф овард. Ӯро дар фурудгоҳи байналмилалии пойтахт вазири корҳои хориҷии ҷумҳурӣ Ҳамрохон Зарифӣ ва намояндагони Муассисаи рушди СММ пешвоз гирифтанд. Ин лаҳзаҳо дар Саробӯстони ҳукуматӣ дар Душанбе мулоқоти Президенти Ҷумҳурии Тоҷикистон Эмомалӣ Раҳмон ва Муншии умумии СММ Пан Ги Мун давом дорад. Зимни мулоқот масъалаҳои марбут ба ҳамкории минтақавӣ, имкониятҳои иҷтимоию иқтисодии Тоҷикистон ва иҷрои нақшаҳои рушди ҳазорсола муҳокима карда мешаванд. Мухбири АМИТ «Ховар» хабар медиҳад, ки Пан Ги Мун баъди мулоқоташ бо Президенти Тоҷикистон бо роҳбарияти Вазорати энергетика ва саноати мамлакат гуфтушунид хоҳад кард. Сипас Муншии умумии СММ аз Палатаи поёнии парлумонии мамлакат боздид ба амал оварда, бо раиси Маҷлиси намояндагони Маҷлиси олии Ҷумҳурии Тоҷикистон Шукурҷон Зуҳуров мулоқот анҷом хоҳад дод. Муншии умумии СММ баъди анҷоми сафараш дар Тоҷикистон 6 апрел аз шаҳри Душанбе ба Қазоқистон меравад.
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Федеративии Бразилия Луис Инасиу Лула да Силва барқияи табрикӣ ирсол намуданд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
