60 ҲАЗОР ГУЛУ ГУЛДОН БАРОИ РӮЗИ ВАҲДАТ

Хоруғ,  7 май. (АМИТ «Ховар», Л. Додо). — ВМКБ ба ҷашни Ваҳдат омодагӣ мебинад. Баробари дар навоҳии вилоят мураттаб намудани сенарияҳо дар шаҳри Хоруғ барномаи пурмӯҳтавои «Сайри Бадахшон» идома дорад, ки дар он кулли паҳлӯҳои ҳаёти Бадахшон, таъриху фарҳанг, дастовардҳои соҳаҳои хоҷагии вилоят ба маърази бинандагон гузошта мешавад.  Ба гуфти Директори Пажӯҳишгоҳи биологии Помир Оғоназар Ҳақназар танҳо барои ороиши ҷойҳои ҷамъиятӣ ва ҷойҳои баргузории тантанаҳо 60 ҳазор бех гул ва гулдонҳо, гузошта мешавад.  Ин гулҳоро дар гармхонаҳои навоҳии Дарвоз, Ванҷ ва деҳаи Ҷелондеҳи ноҳияи Шуғнон парвариш карданд.