КАМШАВИИ ҚАРЗДОРӢ АЗ ПАРДОХТИ МУЗДИ КОР

Душанбе, 13 май. (АМИТ «Ховар», Лаззат Диловарзод).-  Бино ба маълумоти Агентии омори назди Президенти Ҷумҳурии Тоҷикистон, маблағи умумии қарздорӣ дар соли 2010 ба андозаи 22 млн. 107 ҳазор сомонӣ боқӣ мондааст. Бино ба маълумоти ҳамин манба, камшавии қарздорӣ аз пардохти музди кор қариб дар ҳамаи соҳаҳои истеҳсолоти неъматҳои моддӣ ба қайд гирифта шудааст, ғайр аз соҳаҳои хоҷагии ҷангал ва савдо, ки қарздорӣ аз пардохти музди кор мутаносибан 23,6 фоиз ва 3,1 баробар зиёд шудааст. Дар соҳаҳои истеҳсолоти ғайримоддӣ қарздорӣ аз пардохти музди кор то охири моҳи апрел ба андозаи 1,6 фоиз кам шудааст. Аммо дар соҳаҳои маориф ва тандурустӣ қарздорӣ аз пардохти музди кор мутаносибан 1,6 ва 3,8 баробар зиёд шудааст.