ПРЕЗИДЕНТИ ТОҶИКИСТОН МАРДУМИ ОЗАРРО ТАБРИК НАМУД

Президенти  Ҷумҳурии  Тоҷикистон  Эмомалӣ  Раҳмон  имрӯз  ба  унвони  президенти  Ҷумҳурии  Озарбойҷон  Илҳом  Алиев  барқияи  шодбош  фиристод. Дар  он  аз  ҷумла  гуфта  мешавад:  «Бо  камоли  қаноатмандӣ Шумо ва  дар  симои  Шумо мардуми  бо  мо  дӯсти  озарро  ба  муносибати  солгарди навбатии  ҷашни  миллии  мамлакататон  самимона  табрик  менамоям. Боварӣ  дорам, ки   мо  бо  ҷидду  ҷаҳди муштаракамон   муносибатҳо ва   ҳамкории  мутақобилан  муфиди Тоҷикистону Озарбойҷонро  боз  ҳам  бештар  ривоҷ  хоҳем  дод. Ин  ба  манфиати  куллии  халқҳои   ҳар  ду  мамлакат  ҷавобгӯ  мебошад.    Мо низ азми  қавӣ  дорем, ки барои  ин  тамоми  тадбирҳои  заруриро  истифода барем. Ба  Шумо,  Илҳом  Ҳайдаровичи  мӯҳтарам, саломатии  комил,  барори  кор ва ба  халқи  Озарбойҷон  рӯзгори  фараҳмандона  ва шукуфоӣ  орзу  менамоям».