ПРОБЛЕМАҲОИ СОҲАИ ТАНДУРУСТӢ ДАР ШАҲРИ ВАҲДАТ

Ваҳдат, 7 май. (АМИТ «Ховар», Зебо Давлатова). — Ба хабарнигори АМИТ «Ховар» муовини аввали сардухтури беморхонаи марказии шаҳри Ваҳдат Шокирҷон Холов иттилоъ дод,ки  имрӯз проблемаи асосие,ки садди роҳи пешравии соҳаи тандурустӣ мегардад,ин нарасидани мутахассисони касбӣ,духтурони тибби оилавӣ,духтурони бемориҳои рӯҳӣ,наркологҳо,фтизиатрҳо,онкологҳо,наркологҳо,дар минтақаҳои дурдаст нарасидани акушер-гинекологҳо,ҳамшираҳои шафқат,беҳёру момодояҳомебошад.Умуман 67 нафар духтурон ва 152 нафар ҳамшираҳои шафқат,момодояҳо ва беҳёрон намерасанд. Ӯ афзуд,ки таъмирталаб будани иншоотҳои муассисаҳои тандурустӣ,хусусан биноҳои бунгоҳҳо ва марказҳои саломатии дар деҳот буда,кӯҳнаю фарсуда будани таҷҳизотҳои тиббӣ,нарасидани автомашинаҳои ёрии таъҷилӣ,ки айни замон ба 274300 нафар аҳолӣ 3 адад автомашина хизмат мерасонад,албатта ин шумораи нақлиёт талаботи имрӯзаи аҳолиро  ба ҷо оварда наметавонад.Дар оянда умед дорем,ки бо дастгирии мақомоти иҷроияи ҳокимияти давлатии шаҳри Ваҳдат,инчунин масъулини Вазорати тандурустӣ ин проблемаҳои ҷиддӣ ҳалли худро меёбад.