БЕКОРОНИ ЁВОНРО БО КОР ТАЪМИН МЕКУНАНД

Қўрғонтеппа, 1 июн. ( АМИТ «Ховар»Беков Юсуфбек) — Дар давоми чор моҳи соли равон 807 нафар бекорон ба бахши шуғли аҳолии ноҳияи Ёвон ҷиҳати пайдо намудани кор муроҷиат намудаанд. Масъули сарраёсатии Агентии давлатии ҳифзи иҷтимоӣ ва шуғли аҳолии  ноҳияи Ёвон Хайриддин Баротов ба мухбири АМИТ «Ховар» гуфт, ки дар ноҳия ярмаркаҳои ҷойҳои кори холӣ мунтазам баргузор шуда, то имрӯз 1060 чойҳои кори холӣ  аз рӯи ихтисосҳои гуногун пешниҳод шудааст. Дар ин муддат 226 нафар соҳиби ҷойҳои кори доимӣ шуданд. Дар ноҳияи Ёвон барои бекорон омӯхтани курсҳои компютерӣ аз тарафи шӯъбаи шуғли аҳолии ноҳия ташкил шудааст, ки ба бекорон тарзи кор бо компютерро меомӯзонад то дар фаъолияти минбаъда танқисӣ накашанд.