ЧАРО САДАМАҲОИ НАҚЛИЁТӢ ДАР ХАТЛОН МЕАФЗОЯНД?

Қўрғонтеппа, 10-уми июн. (АМИТ «Ховар» Беков Юсуфбек).-Дар давоми 5 моҳи аввали соли ҷорӣ дар вилояти Хатлон 141 адад садамаҳои наклиётӣ ба қайд гирифта шудааст. Дар натиҷаи онҳо 14нафар ҳалок гардида, 157 нафар ҷароҳатҳои вазнин бардоштаанд, ки ин нишондод нибат ба ҳамин давраи соли гузашта 20 адад зиёд мебошад. Роҳбари шўъбаи гурӯҳи ташвиқотию тарғибоии БДА-и вилояти Хатлон Ёрмаҳмад Давлатов ба мухбири АМИТ «Ховар» сабабҳои зиёд шудани ҳодисаҳои нохуши нақлиётиро шарҳ дода, гуфт, ки аслан садамаҳои нақлиётӣ дар ҳудуди вилоят аз беэҳтиётии ронандагон ва риоя накардани қоидаҳои роҳ, инчунин суръати баланди ҳаракати нақлиёт дар роҳҳо аст. Ё. Давлатов қайд намуд, ки кормандони Бозрасии Давлатии Автомабилии вилояти Хатлон нақша тартиб дода, ҳар ҳафта 2-3 маротиба ба хонандагони мактабҳои миёнаи махсус қоидаҳои ҳаракат дар роҳҳоро меомўзонанд.