ХАДАМОТИ ФЕДЕРАЛИИ РУСИЯ ҚАРОРАШРО БЕКОР КАРД

Душанбе,  18 июн. (АМИТ «Ховар», Мавзуна  Бойева). —  Хадамоти  Федералии  назорати   давлатии  ҳифзи  ҳуқуқи  истеъмолкунандагон ва  некӯаҳволии  инсони   Федератсияи  Русия  ба  унвони  мақомоти  дахлдори  Ҷумҳурии  Тоҷикистон  мактуб  фиристода,  хабар  дод, ки қарори қаблан  қабулгардида  дар  бораи  манъи  ворид  сохтани  меваи  хушк  ва  чормағз аз Ҷумҳурии  Тоҷикистон ба  қаламрави  Федератсияи  Русия  ва  ҳамлу  нақли  транзитии он  ба  воситаи  ин  мамлакат аз 17  июни  соли  2010  бекор  карда шуд.  Дар  ин  бора  аз  Корхонаи  воҳиди  давлатии «Муассисаи  роҳи оҳани  Тоҷикистон»  ба  АМИТ «Ховар»  хабар  доданд.