ИҶЛОСИЯИ МАҶЛИСИ МИЛЛӢ ДАЪВАТ КАРДА МЕШАВАД

Душанбе, 22 июн.(АМИТ «Ховар», Марзия Саидова).- 8 июли соли 2010 дар шаҳри Душанбе иҷлосияи дуюми Маҷлиси миллии Маҷлиси Олии Ҷумҳурии Тоҷикистон даъвати чорум баргузор мегардад. Дар ин хусус  Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев қарор ба имзо расонд. Шӯрои Маҷлиси миллии Маҷлиси Олии Ҷумҳурии Тоҷикистон иттилоъ медиҳад, ки дар иҷлосия Қонунҳои  Ҷумҳурии Тоҷикистон «Дар бораи идоракунии молиявӣ ва назорати дохилӣ дар бахши давлатӣ», «Дар бораи паррандапарварӣ», «Дар бораи ихтирооти махфӣ», «Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон» баррасӣ мегарданд. Инчунин, баррасии дигар қонунҳою санадҳои ҳуқуқии вобаста ба масъалаҳои муҳими ҳаёти иқтисодию  иҷтимоӣ ва фарҳангии кишвар дар назар аст.