НИЗОМИ ПУЛУ ҚАРЗ

Душанбе, 10 июн. (АМИТ «Ховар», Лаззат Диловарзод).- Тибқи маълумоти Агентии омори назди Президенти ҷумҳурӣ, маблағи умумии сармояи қарзии бонкҳои дараҷаи дуюм дар соҳаҳои асосии иқтисодиёт то 1-уми апрели соли 2010  ба андозаи 5 млрд. 649 млн. 700 ҳазор сомониро ташкил дод. Қарзҳои мӯҳлаташ гузашта (нопардохтҳо) аз рӯи қарзи додаи бонкҳои дараҷаи дуюм  дар ин  муддат 2 млрд. 561 млн. 900 ҳазор сомонро ташкил медиҳад, ки аз ҷумла 2 млрд. 359 млн. 700 ҳазор сомонӣ ё 92,1 фоиз бо пули миллӣ ва 202,2 млн. доллар  ё 7,9 фоиз  бо асъори хориҷӣ мебошад.