О.ОҚИЛОВ БА ВМКБ ОМАД

Хоруғ, 11 июн. (АМИТ «Ховар», Л.Додо). — Гурӯҳи  коршиносони  ҷумҳурӣ таҳти роҳбарии  Сарвазири  мамлакат  Оқил Оқилов  бо  супориши   Президенти  ҷумҳурӣ  субҳи  имрӯз  озими Вилояти  Мухтори  Кӯҳистони  Бадахшон  гардид. Ҳадафи  сафар  шиносоӣ  бо  ҷараёни  тайёрии  вилоят  ба ҷашни Ваҳдати  миллӣ, ҷараёни  сохтмони  иншоотҳои  идона  ва  расонидани  кӯмак  ба  мақомоти  маҳаллии  ҳокимияти  давлатӣ дар  бобати  сари вақт  ба  истифода  додани  ин  иншоотҳо мебошад. Мухбири  АМИТ «Ховар»  хабар  медиҳад, ки  шиносоии  Сарвазир  бо  ҷараёни  сохтмони  иншоотҳои  идона  аз  ноҳияи  Ванҷ шурӯъ  шуд.  Аъзои  ҳайат – коршиносони  соҳаҳои гуногун   бештар  ба  сифати  кори  сохтмончиён ва  иншоотҳо  диққати  ҷиддӣ  медиҳанд.  Оқил  Оқилов  ва  ҳамроҳонаш  баъди  чошти  имрӯз ба  шаҳри  Хоруғ  омаданд. Бояд  гуфт, ки  қисмати  бештари   иншоотҳои  идона   дар  маркази  вилоят  сохта  мешаванд. Сафари  О.Оқилов  дар   ВМКБ  давом  дорад.