ПЕШГӮИҲОИ ДИЛПУРКУНАНДА

Душанбе, 10 июн. (АМИТ «Ховар», Лаззат Диловарзод).- Тибқи маълумоти Вазорати молияи ҷумҳурӣ, Маҷмӯи    Маҳсулоти Дохилӣ (ММД) дар чормоҳаи аввали соли ҷорӣ 3,4 фоиз афзоиш ёфтааст. Хазинаи байналмилалии асъор ва Бонки Рушди Осиё таъмини афзоиши ҳаҷми Маҳсулоти Умумии Дохилӣ (МУД) –и Тоҷикистонро ба мизони 3,4 фоиз нишондоди беҳтарин медонад. Роҳбари ҳайати  хазинаи байналмилалии асъор Аксел Шиммелпфеннинг изҳор доштааст, ки Тоҷикистон соли 2010 афзоиши ҳаҷми маҳсулоти истеҳсолии худро то ба 5 фоиз афзоиш медиҳад. Ин дар ҳолест, ки ҳаҷми маҳсулоти Ҷумҳурии Мардумии Чин дар соли ҷорӣ  8,8  давлати Ҳиндустон -6,5 ва рушди иқтисоди давлати Амрико 2,1 фоиз пешбинӣ шудааст. Ҳамаи ин рақамҳо бозгӯи он аст, ки бӯҳрони молиявӣ дар соли 2010 дар аксари давлатҳои тараққиёфта ва давлатҳои дар ҳолати рушд қарордошта ба поён мерасад.