САФАРИ КОРМАНДОНИ ТЕЛЕВИЗИОН ВА РАДИОИ ТОҶИКИСТОН БА БАДАХШОН

Душанбе, 9 июн. (АМИТ «Ховар» Мавзуна Бойева).- Бо дастгирии Раиси Кумитаи телевизион ва радиои назди Ҳукумати Ҷумҳурии Тоҷикистон Асадулло Раҳмонов аз 26-уми май то 7-уми июни соли равон як гурўҳ кормандони шабакаҳои телевизион ва радиои марбут ба Кумита ба Вилояти Мухтори Кӯҳистони Бадахшон сафар намуданд. Онҳо дар маҳалҳо бо кору рўзгори қишрҳои гуногуни ҷомеа, вазъи пахши барномаҳои радио ва телевизион, дастрас намудани рўзномаю маҷаллаҳои даврии марказӣ ошно гардида, роҷеъ ба амалӣ гардидани нуқтаҳои асосии Паёми Президент ба Маҷлиси Олии Ҷумҳурии Тоҷикистон, тарғиби сиёсати созандаи роҳбарияти сиёсии мамлакат силсилаи сўҳбату мулоқотҳои сўдманд анҷом доданд.