СЕЛ ДАР РОҲИ ИСФАРА – ВОРУХ

Душанбе, 25 июн. (АМИТ «Ховар», Жасмин Назарова). — Рӯзи 23 июни соли равон тахминан соати 19 дар ҷамоати Ворухи шаҳри Исфара борону жола борида, дар минтақаи роҳи Исфара-Ворух «Оқсой» сел 80 метр роҳи мошингардро бо санг ва гил пур кардааст. Дар натиҷа 3 соат роҳ баста шуд. Тавре аз маркази матбуоти Кумитаи ҳолатҳои фавқулодда ва мудофиаи граждании назди Ҳукумати ҶТ иттилоъ доданд, ситод оид ба ҳолатҳои фавқулодда ва мудофиаи граждании шаҳри Исфара якҷоя бо хадамоти нақлиёт ва роҳи шаҳр роҳи Исфара — Ворӯх «Оқсой»-ро барқарор карданд. Хисорот аз зарари расида муайян карда мешавад.