ТАҶЛИЛИ РӮЗИ ҶАҲОНИИ МУҲИТИ ЗИСТ

Душанбе,  7 июн. (АМИТ «Ховар»). – Ҳар  сол  5  июн  дар  қисмати  бештари  мамлакатҳои  ҷаҳон Рӯзи байналмилалии  муҳити  зист  таҷлил  карда  мешавад. Маҷмаи  кулли СММ  моҳи  декабри соли  1972  бо  мақсади  ҷалби  таваҷҷӯҳи  мамлакатҳои  ҷаҳон 5  июнро   Рӯзи  байналмилалии   муҳити  зист эълон  карда буд. Ҳадафи  ин  иқдом  муҳофизат  ва беҳтар  сохтани  вазъияту  шароиту  муҳити  зист  ва табиат  мебошад.   Мавзӯи  Рӯзи  байналмилалии  муҳити  зист  дар  соли  2010  — «Як  сайёра,  навъҳои гунони  ҳаёти  зинда ва таъмини  ояндаи онҳо»  мебошд.  Мухбири  АМИТ «Ховар»  хабар  медиҳад, ки  ба  ин  муносибат   дар  Руанда  машварати  калони  намояндагони давлатҳои  аъзои  СММ  гузаронида  мешавад. Дар  он Муншии  умумии  СММ  Пан  Ги  Мун  иштирок  ва  сухан кард.