ҶАМЪОВАРИИ ҲОСИЛИ ҒАЛЛАДОНА ДАР ХАТЛОН

Душанбе, 23 июл. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, тирамоҳи соли 2009 ва баҳори соли 2010 дар вилояти Хатлон дар масоҳати 151  ҳазору 695 гектар кишти ғалладона гузаронида шудааст, ки айни ҳол майдони 114 ҳазору 264 гектар ғаллазори вилоят даравида шуда, 105 ҳазору 400 гектари он кӯфта шуда аз он 293 ҳазору 278 тонна ҳосили ғалладона ба даст оварда шудааст, ки нисбат ба ҳамин давраи соли гузашта 13 ҳазору 817 тонна зиёд аст. Бино ба маълумоти ҳамин манбаъ, соли ҷорӣ хоҷагиҳо  ҳосилнокии ҳар як гектар замини кишти  ғалладонаро  ба 27,8 сентнерӣ   расониданд. Айни замон хоҷагиҳои деҳқонӣ дар ҷамъоварии ғалла  аз кори 211 комбайни ғалладарав  босамар истифода мебаранд.