«БАҲОРИ ЯК КӮЧА» ДАР ЛАГЕРҲОИ ТОБИСТОНА

Душанбе, 19 июл. (АМИТ «Ховар», Лутфия Эшонқулова).- Корхонаи воҳиди давлатии кино ва видеои «Тоҷиккино»  намоиши филмҳоро  дар лагерҳои тобистонаи мактаббачагон оғоз кард. То имрӯз дар бештар аз 20 истироҳатгоҳ  беруназшаҳрӣ филми нави истеҳсоли киностудияи «Тоҷикфилм» бо номи «Баҳори як кӯча» намоиш дода шуд. Кормандони корхона ният доранд, ки ин корро то оғози соли нави таҳсил дар лагерҳо ва баъдан дар мактабҳо идома диҳанд. Ҳамчунин, кормандони«Тоҷиккино» то имрӯз бештар аз 7600 адад маводи аудиовизуалии истеҳсолаш ғайриқонуниро дар якчоягӣ  ба мақомоти дахлдор мусодира кардаанд. Нисбат ба 12 нафар қонуншикан парвандаи маъмурию ҷиноӣ тартиб дода шуд.