БАРҚИЯИ ПРЕЗИДЕНТИ Э. РАҲМОН БА УНВОНИ ПРЕЗИДЕНТИ ФАРОНСА

Имрӯз Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Фаронса Николя Саркози барқияи шодбошӣ ирсол намуд, ки дар он гуфта мешавад: «Мӯҳтарам ҷаноби Президент, Бо таманниёти беҳтарин Шумо ва дар симои Шумо тамоми мардуми Фаронсаро бо солгарди иди миллии кишвар самимона табрик менамоям. Ҷумҳурии Тоҷикистон ба рушди сатҳу суръати дастовардҳои бадастомадаи солҳои охир дар ҳамкории ин ду кишвари дӯст баҳои баланд медиҳад. Мо боварии комил дорем, ки ҳамкориҳои судманди байни давлатҳо, ки дар асоси кӯшишҳои дуҷониба ба сӯи демократия ва тараққиёт ба даст омадааст, дар оянда низ зичтару мустаҳкамтар мегардад. Иҷозат диҳед, ки ба Шумо, ҷаноби Президент саломатӣ, хушбахтӣ, барори кор, ба халқи бародари франсуз — сулҳ ва саодати рӯзгорро таманно намоям. Дар ин бора ба АМИТ «Ховар» аз Маркази матбуоти Президенти Ҷумҳурии Тоҷикистон хабар доданд.