ДУРНАМОИ ҲАМКОРИҲОИ ТОҶИКИСТОНУ ПОКИСТОН УМЕДБАХШАНД

Душанбе, 19  июл. (АМИТ «Ховар», Ибодат Давлатова). – Дар доираи анҷумани соҳибкорони Тоҷикистону Покистон 19 июли соли ҷорӣ вохӯрии раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон   Маликшо Неъматов бо раиси комиссияи Покистонӣ оид ба ҳамкорӣ дар соҳаи иқтисод ва илму техника Салим Мандвивала баргузор гардид. Тавре ба мухбири АМИТ «Ховар» аз Кумитаи мазкур иттилоъ доданд, дар вохури ҷонибҳо бо назардошти ба сатҳи баланди сиёсӣ расидани муносибатҳои байни давлатӣ дар баробари  дигар соҳаҳо ҳамкориҳои мутақобиларо дар самти ҷавонон, варзиш ва сайёҳӣ низ тақвият мебахшанд. Инчунин, зикр гардид, ки   созишномаи байни давлатӣ дар соҳаи ҷавонон дар доираи сафари расмии Президенти кишвар Эмомалӣ Раҳмон ба Ҷумҳурии Исломии Покистон ба имзо расонида мерасад.