ИМСОЛ АЗ ТОҶИКИСТОН ЧАНД НАФАР БА ҲАҶ МЕРАВАД?

Душанбе, 12 июл. (АМИТ «Ховар», Лутфия Эшонқулова).- Вазорати ҳаҷҷи Арабистони Саудӣ меъёри фиристодани зоирони Ҷумҳурии Тоҷикистонро ба ҷойҳои муқаддаси ислом муайан намуд. Тавре дар ҷаласаи нахустини ҳайати мушовараи Кумитаи  оид ба корҳои дини назди Ҳукумати Ҷумҳурии Тоҷикистон, раиси он Абдураҳим Холиқов ба рӯзноманигорон хабар дод, меъёри фиристодани зоирон вобаста ба  шумораи аҳолии шаҳру ноҳияҳои мамлакат муқаррар карда шуд. «Имсол барои ба ҷо овардани ҳаҷ 5500 квота ҷудо  шудааст. Айни ҳол шӯъбаи хаҷи кумита паи тақсим кардани квотаҳо ба вилоятҳову ноҳияҳои ҷумхурӣ омодагӣ мебинад»- афзуд А. Холиқов.