КӮМАК БА ЗАРАРДИДАГОН

Рашт , 6 июл. (АМИТ «Ховар», М.Ризвонов).- Барои офатзадагони маҳаллаи Чармгарони шаҳри Кӯлоб мардуми водии Рашт ҳамаҷониба дасти кӯмак дароз менамоянд.  Айни ҳол мардуми ноҳияи Рашт, Нуробод, Тоҷикобод, Ҷиргатол , Тавилдара зиёда аз 360 ҳазор сомонӣ маводи ғизоӣ, ҷиҳози хуфту хоб ва дигар маводи рӯзгорро ба осебдидагони ин маҳал фиристониданд. Чуноне, ки аз сӯҳбат бо раисони ноҳияҳои минтақа  маълум гашт, ин нуқтаи интиҳоии расонидани кӯмак барои мардуми зарардида набуда, расонидани ёрии беғаразона оянда низ барои барқароркунии харобаҳои офати табиат идома меёбад.