КӮМАКИ БАШАРДӮСТОНАИ ТОҶИКИСТОН БА ҚИРҒИЗИСТОН

Душанбе, 30 июл.(АМИТ « Ховар», Ҳалима Хушқадамова).- Тоҷикистон барои таъмини эҳтиёҷоти қувваҳои мусаллаҳи Ҷумҳурии Қирғизистон ба ин мамлакат ба воситаи нақлиёти ҳавоӣ миқдори зиёди сару либос ва маводи ғизоӣ, инчунин ба воситаи Кумитаи ҳолатҳои фавқулодда ва мудофиаи шаҳрвандӣ, бо мошинҳои боркаш аз вилоятҳои Бадахшон ва Суғд 100 тонна орд, 30 тонна биринҷ, 10 тонна картошка, 10 тонна пиёз, 10.000 литр равғани растанӣ ва 10.235 литр сузишвории дизелӣ фиристод. Мухбири АМИТ «Ховар» хабар медиҳад, ки қарори расонидани кӯмак ба Қазоқистон 14 июни соли равон зимни мулоқоти намояндагони махсуси давлатҳои аъзои СААД дар Маскав қабул шуда буд. Дигар давлатҳои аъзо низ мувофиқи қарори мазкур ба Қирғизистон кӯмак расонида буданд.