ПАРВОЗИ ХАВОПАЙМОҲОИ «ТОҶИК ЭЙР» БАРҚАРОР ШУД

Душанбе, 8 июл. (АМИТ «Ховар» Мавзуна Бойева). — Тавре пештар хабар дода будем, бинобар сабаби сари вақт напардохтани қарзи мавҷуда ҶСК "Ширкати таъминоти сӯзишворӣ " ҳавопаймоҳои КВД "Тоҷик эйр"-ро бо сӯзишворӣ пур накард ва парвози мусофироне, ки ба самти Санкт Петербург, Москва, Хуҷанд, Бишкек парвоз мекарданд, дар таърихи 07.07.10 ба таъхир афтод. Тавре ба мухбири АМИТ «Ховар» котиби маркази матбуоти "Фурудгоҳи байналмилалии Душанбе" Махмадюсуф Шодиев иттилоъ дод, Пас аз ба мувофиқа расидани ҷонибҳо, яъне Ширкати ҳавопаймоии "Тоҷик Эйр" бо ҶСК "Ширкати таъминоти сӯзишворӣ" масъалаи мазкур ҳалли худро ёфт.