ПЕШНИҲОДИ НАҚШАҲОИ НАВИ СОХТМОНӢ
Душанбе, 19 июл. (АМИТ «Ховар» Мавзуна Бойева). — Дар моҳҳои январ-июни соли 2010 дар масоҳати умумии 261 ҳазору 157 метри мураббаъ хонаҳои истиқоматӣ ба истифода дода шудаанд. Айни замон 21 шаҳру ноҳияҳои ҷумҳурӣ дар асоси Нақшаҳои генералии амалкунанда фаъолият доранд, чунин зикр кард дар нишасти матбуотӣ муовини аввали директорӣ Агентии сохтмон ва меъмории назди Ҳукумати Ҷумҳурии Тоҷикистон Мирзоҳусайн Султонов. Ӯ ҳамчунин қайд кард, ки нақшаи генералии маркази ноҳияи Тоҷикобод тасдиқ шудааст. Инчунин, таҳияи нақшаи генералии маркази Хуҷанд ва шаҳри Хоруғ ба анҷом расида, дар мувофиқа бо вазорату идораҳои ҷумҳуриявӣ барои тасдиқ ба Ҳукумати ҶТ пешниҳод карда шудааст. Нақшаи генералии шаҳраки Сомониёни ноҳияи Рӯдакӣ, шаҳри Қурғонтеппа, нақшаҳои муфассали маҳалии шаҳрҳои Турсунзода ва Данғара мавриди таҳия қарор дошта, дар мӯҳлатҳои мақарраргардида омода карда мешаванд. Лоиҳаи Кодекси шаҳрсозии Ҷумҳурии Тоҷикистон аз тарафи гурӯҳи кории Агентии сохтмон ва меъморӣ таҳия шуда, айни ҳол дар мувофиқаи вазорату идораҳои дахлдор қарор дорад.
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
