РАСУЛ БОҚИЕВ ДАР ХОҶА ОБИГАРМ МАШҚ МЕКУНАД

Душанбе ,23 июл. ( АМИТ « Ховар», Пайрав Назаров). Дзюдочии  машҳури тоҷик,  ғолиби бозиҳои  Олимпии  Пекин  Расул  Боқиев дар  ҳайати тими  мунтахаби  мардона дар  Хоҷа- Обигарм  машқу тамрин  мегузаронад. Тавре аз кумитаи  миллии  Олимпии Тоҷикистон  ба мухбири АМИТ  « Ховар» хабар доданд,  ба ҳайати  даста 9 нафар дзюдочӣ дохил мешаванд. Машқҳои мунтахаби    мазкур ба беҳтар  сохтани омодагии  ҷисмонии  варзишгарон дар  ин макони  истироҳатии  баландкӯҳ  равона шудааст.  Машқҳо то  3 август  идома меёбанд. Ёдовар мешавем, ки  мусобиқоти. Бозиҳои Олимпии 2012, ки дар Лондон  баргузор мегарданд, аз моҳи  майи соли 2010  оғоз  ёфтанд. Мусобиқаи аввалини дзюдочиёни  тоҷик  дар Гамбурги  Германия, ки рӯзҳои 7-8  августи соли 2010  дар он ҷо  мусобиқаи  Ҷоми  Аврупо  мегузарад, доир  хоҳад гашт. Дар ин мусобиқа  Расул  Боқиев  дар вазни 73кг  ва Абубакр Раҳмонов  дар вазни 100кг  иштирок менамоянд.