СЕМИНАР ДАР ВИЛОЯТ

Хуҷанд, 22 июн. (АМИТ «Ховар», Самад Юсуфӣ).- Бо ташаббуси ташкилоти YPEER (Фонди нуфузи Созмони Миллали Муттаҳид) бо ҳамкории Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон аз  19 то 23 июли соли равон дар қаҳвахонаи «Хушбахтӣ»-и шаҳри Хуҷанд семинар-тренинг барои тренерон бо истифодаи методҳои театрӣ бо принсипи ҳамсол ба ҳамсол гузашта истодааст, ки дар он зиёда аз 23 нафар тренерон аз шаҳру ноҳияҳои вилояти Суғд иштирок менамоянд.  Тавре аз маркази матбуоти Раёсати ҷавонон, варзиш ва сайёҳии вилояти Суғд ба хабарнигори АМИТ «Ховар» иттилоъ доданд, мақсади гузаронидани семинар-тренинг ба ҷавонон фаҳмонидан ва пешгирӣ кардани касалиҳои Вич-Спид, нашъамандӣ ва бемориҳои сироятии ҷинсӣ мебошад. Дар ин семинар-тренинг 1 нафар намоянда аз ташкилоти YPEER ва 2 нафар аз театри ба номи Камоли Хуҷандӣ дарс мегӯянд.