ТОҶИКИСТОН БА ИТТИФОҚИ ГУМРУКҲО ДОХИЛ МЕШАВАД Ё НЕ

Душанбе,  5 июл. (АМИТ «Ховар»). —  Президенти  Ҷумҳурии  Тоҷикистон  Эмомалӣ  Раҳмон  дар  фарҷоми   маҷлиси  Шӯрои  байнидавлатии  Ҷомеаи иқтисодии  Евразия  дар нишасти  матбуотӣ ширкат  варзид. Вай  изҳор  намуд, ки  дар Тоҷикистон  имконияти  дохил  гардидани  мамлакат  ба  Иттифоқи  гумрукҳо  ба таври  ҷиддӣ омӯхта  мешавад. Дар  нишасти  матбуотӣ  Президенти  Ҷумҳурии  Қирғизистон  Роза  Отунбоева  низ  иштирок  дошт.  Вай  зикр  намуд,  ки  Қирғизистон  узви  созмони  ҷаҳонии тиҷорат  мебошад.  Бо  вуҷуди  ин  барои  омӯзиши  масъалаи  дохил  гардидани  мамлакат  ба Иттифоқи  гумрукҳо  комиссияи  корӣ  таъсис  дода шуд. Мо дар  ин  бобат  пеш  аз  ҳама  манфиатҳои  мамлакатамонро  ба  инобат  мегирем,  гуфт  Роза  Отунбоева.