«ТОҶИКСТАНДАРТ» ДАР ИСТИРОҲАТГОҲҲО НАЗОРАТИ ДАВЛАТӢ МЕГУЗАРОНАД
Душанбе, 9 июл.(АМИТ «Ховар», Марзия Саидова).- Бо фармони директори Агентии «Тоҷикстандарт» лагерҳои истироҳатие, ки дар минтақаҳои Варзобу Ромит ва Алмосӣ воқеъ гардидаанд, аз назорати давлатӣ гузаронида мешаванд. Аз маркази матбуоти «Тоҷикстандарт» ба АМИТ «Ховар» иттилоъ доданд, ки ин тадбир бо мақсади беҳтар сохтани сатҳи хизматрасонӣ ва ба меъёрҳо ҷавобгӯ будани шароити истироҳаткунандагон, бахусус таъмини бехатарии хӯроквории онҳо андешида шудааст. Зимни гузаронидани назорати давлатӣ дар лагери истироҳатии «Алмосӣ» воқеъ дар ноҳияи Ҳисор, аён шуд, ки дар ин ҷо тамоми хизматрасонӣ ба истироҳаткунандагон дар сатҳи зарурӣ ба роҳ монда шудааст. Инчунин, кормандони Агентии «Тоҷикстандарт» зимни гузаронидани назорати давлатӣ корҳои фаҳмондадиҳиро низ ташкил менамоянд. Зимни гузаронидани назоратии давлатӣ агар ягон проблема ва норасоӣ ба қайд гирифта шавад, амрияи ислоҳотӣ тартиб дода мешавад. Дар сурати ислоҳ нагардидани камбудию норасоиҳои ҷойдошта, тибқи Кодекси ҳуқуқвайронкунии маъмурии Ҷумҳурии Тоҷикистон аз масъулини лагерҳои истироҳатӣ ҷарима ситонида мешавад.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
