БА ҒАРҚШАВИИ НОБОЛИҒОН КӢ ГУНАҲКОР АСТ ?

Душанбе, 13 август. (АМИТ «Ховар», Лутфия Эшонқулова). — Шабонарӯзи гузашта дар ҷумҳурӣ се нафари дар об ғарқшуда ба қайд гирифта шуд. Тавре аз маркази матбуоти ВКД ҶТ ба АМИТ «Ховар» хабар доданд, дар натиҷаи тафтиши кормандони вазорати номбурда шахсияти қурбоншудагон маълум гардид. Ду нафари ҳалокгардида Муҳаммадҷон Рустамови 2 сола ва Насимҷон Абдуллоеви 18 сола, истиқоматкунандагони вилояти Суғд буда, нафари сеюм ноболиғ Султонмуроди Саидислом зодаи вилояти Хатлон мебошад. «Ин ҳодисаҳо аз сабаби беэҳтиётӣ ва беназоратии волидон рух дод» — қайд намуд манбаъ.