ДАРЁФТИ ҶАСАДИ КӮҲНАВАРДИ УКРАИНӢ

Душанбе, 16 август. (АМИТ «Ховар», Лутфия Эшонқулова).- Дар натиҷаи ҷустуҷӯи якҷояи наҷотдиҳандагони тоҷику русу украинӣ 15 август ҷасади кӯҳнаварди украинӣ Олег Монсар дарёфт гардид. Дар ин бора аз хадамоти матбуотии Кумитаи ҳолатҳои фавқулодда ва мудофиаи шаҳрвандии ҶТ ба хабарнигори АМИТ «Ховар» хабар доданд. Манбаъ қайд намуд, ки амалиёти наҷотдиҳӣ чанд рӯз пеш оғоз гардидаву он дар нимаи рӯзи 15 август натиҷа дод. Айни замон чархбол барои ба шаҳри Душанбе овардани ҷасад фиристода шудааст. Сипас аз шаҳри Душанбе ҷасад ба ватани қурбоншуда интиқол дода мешавад. Ёдовар мешавем, ки чанд рӯз пеш Устоди варзиши Украина оид ба туризм Олег Монсари 49 сола, ки роҳбари гурӯҳи дунафара буд, аз қуллаи кӯҳи ағбаи Девлохони ҷанубӣ ба поён афтода буд. Рафиқони ӯ — Алексей Вашенко ва Алексей Никоненко аз тарафи наҷотдиҳандагони тоҷик наҷот дода шуд.