ДУЗДИИ МАБЛАҒИ КОРХОНА ДАР СУҒД

Душанбе, 30 август. (АМИТ «Ховар», Мавзуна Бойева).- 27 августи соли ҷорӣ  ба ШКД ноҳияи Ҷаббор Расулов мактуби роҳбарияти ҶСК «Комбинати бойгардонии кӯҳӣ»-и шаҳраки Пролетари ноҳияи Ҷаббор Расулов ворид гардид, ки шаби 26 ба 27августи соли ҷорӣ шахсони номаълум бо роҳи пинҳонӣ  вориди корхонаи мазкур, воқеъ дар кўчаи Советӣ-122, шаҳраки Пролетар шуда, бо роҳи шикастани дари сейфи оҳанин, аз дохилаш маблағи пулӣ 96402 сомониро дуздида, аз ҷойи ҳодиса ғайб задаанд. Барои муайян ва дастгир кардани ҷинояткорон корҳои фаврӣ-чустуҷуӣ идома дорад.