МОШИНДУЗД БА ДАСТ АФТОД

Душанбе, 19 август. (АМИТ «Ховар», Зебо Иноятова).- Шаҳрванд Шаҳринисо Бадалова ба Шӯъбаи корҳои дохилӣ хабар дод, ки 18 августи соли равон шахсони номаълум мошини ӯро дар хиёбони Исмоили Сомонӣ дар назди бинои истиқоматии № 72 дуздида бурданд. Мошини дуздидашуда тамғаи хориҷии «Тойота-Кемри» буда, дар кӯча бе назорат гузошта шуда буд. Кормандони милиса дар натиҷаи андешидани тадбирҳои таъҷилӣ шаҳрванд Анвари Азизмуродзодаро ҳамчун шахси гумонбар дар содир намудани ҷинояти мазкур дастгир карданд. А. Азизмуродзода 20 сола буда, дар ягон ҷой кор намекунад. Кормандони милиса акнун дафтари аъмоли ҷиноии ӯро тафтиш мекунанд.