ШАРОИТИ ХУБ-ОМИЛИ ПЕШРАВӢ

Душанбе, 27 август.(АМИТ «Ховар», Ҳотам Рабиев).-Имрӯзҳо  шодию хурсандии  сокинони деҳаи Мурғободи ҷамоати  деҳоти «Чоряккорон»-и  ноҳияи  Рӯдакиро  ҳадду канор нест. Зеро  дар деҳаи мазкур сохтмони мактаби  таҳсилоти миёнаи    рақами 123   бо  тамоми таҷҳизоти заруриаш ба анҷом расид.Мактаби номбурда омодааст  зиёда аз 464  нафар хонандаро  дар як баст қабул намояд . Ҳамчунин, мактаб дорои маҷлисгоҳ, толори  варзишӣ,  китобхона ва  ошхона  буда, бо  мизу курсӣ пурра  таъмин  аст. Мактаб бо  дастгирии  Ҷукумати Ҷумҳурии Тоҷикистон ва  маблағгузории    Бонки Рушди Исломӣ сохта  шуд.  Директори  таълимгоҳи мазкур  Ибодулло Ҷобиров  ба хабарнигори  АМИТ «Ховар» гуфт,  ки мактаб бо муаллимони  баландихтисос пурра  таъмин  буда,  омўзгорон  омодаанд дар таълиму  тарбияи насли  наврас ҳиссаи  шоиста гузоранд.