СИНГАПУР-2010: НАХУСТИН МЕДАЛИ ТОҶИКИСТОН

Душанбе, 16 август. (АМИТ «Ховар», Пайрав Назаров). — Шукрона Шарифова, варзишгари ҷавони тоҷик, дар нахустин Бозиҳои тобистонаи олимпии наврасон дар Сингапур дар сабқати таэквон-до намуди WTF медали биринҷиро соҳиб гашт.  Шукрона Шарифова дар сабқати таэквон-до дар вазни то 44 килограмм бо рақиби чинӣ қувваозмоӣ намуда, бо ҳисоби 3:1 ғолибиятро ба даст овард, вале Шукрона дар даври нимниҳоӣ аз Ирина Ромолдановаи укроинӣ бо ҳисоби 0:3 мағлуб гашта, сазовори медали биринҷӣ гардид. Ин аввалин медали олимпичиёни навраси Тоҷикистон дар Бозиҳои нахустини тобистонаи олимпии наврасон дар Сингапур ба шумор меравад. Рӯзҳои 16 — 17 август  Баҳодур Қодиров аз рӯи гӯштини тарзи озод қувваозмоӣ менамояд.