СОЛИ НАВИ ТАҲСИЛ ДАР БИНОИ НАВ

 Бадахшон, 9 август.( АМИТ « ХОВАР» Л Додо).-  Хонандагони  мактаби  рақами 20-и  ноҳияи Шуғнон  соли нави таҳсилро  дар бинои  нави  барҳаво истиқбол менамоянд.  Моҳи августи соли  2009 нахустин  хишти  он  гузошта шуда,сохтмони онро фирмаи бинокории «Бунёд»   ба  ӯҳда гирифтааст.Тавре  сармуҳандиси   он Фирдавс  Саидтаибов  иттилоъ дод, ба хотири  бунёди мактаби мазкур  Дирексияи  сохтмонии иншооти  назди дастгоҳи  иҷроияи Президенти  кишвар 1 млн 334  ҳазор сомонӣ ҷудо намуд. Мактаб  барои 220 талаба  пешбинӣ шуда, дар он ба  хотири  таълими  хонандагон  синфхонаҳои  барҳавои компютерӣ низ  мавҷуданд. Мактаб  инчунин дорои варзишгоҳи  замонавист.  Тавре аз Раёсати  маорифи вилоят  иттилоъ доданд, соли  таҳсили ҷорӣ  инчунин  хонандагони  мактабҳои рақами 8, 14 –и  ноҳияи Ишкошим, мактаби рақами 15-и  ноҳияи Рӯшон,мактаби ,рақами 6-и ноҳияи Мурғоб дар  синфҳои   барҳавои  бинои  нав  таҳсил мекунанд.