СОЗМОНИ МАРКАЗИ ПРОТСЕССИНГӢ ДАР БОНКИ МИЛЛӢ

Душанбе, 13 август. (АМИТ «Ховар», Бекназари Абубакр). – Бонки миллии Тоҷикистон барои созмон додани Маркази миллии хариду фурӯши кортҳои пластики пардохтӣ озмун эълон менамояд. Ширкатҳои манфиатдор ҳуҷҷатҳои озмунро метавонанд дар асоси ариза ба таври хаттӣ ё тариқи почтаи электронӣ пас аз пардохти маблағи бебозгашти 1000 сомонӣ дастрас намоянд. Пешниҳодҳо барои иштирок дар озмун то 12 сентябри соли ҷорӣ қабул карда мешаванд. Ёдовар мешавем, ки Маркази мазкур шахси ҳуқуқӣ ё яке аз шӯъбаҳои бонк буда, ҳамкории иттилоотӣ ва технологии иштирокчиёни муомилотро ба танзим медарорад. Дар забони русӣ мафҳуми маркази протсессингӣ маъмулан нисбат ба ташкилоте истифода мешавад, ки дорои хариду фурӯши кортҳои пластикӣ мебошанд.