УБАЙДУЛЛОЕВ АРЗИ 48 ШАҲРВАНДРО ШУНИД

Душанбе, 24 август.(АМИТ «Ховар», Марзия Саидова).- Раиси шаҳри Душанбе  Маҳмадсаид Убайдуллоев 48 нафар сокинони пойтахтро, ки дар тӯли моҳ муроҷиатҳояшон дар сатҳи  муовинони Раиси шаҳр ва раисони ноҳияҳо ҳалли худро пайдо накарда буд, ба ҳузур пазируфт. Ин амал тибқи тартиби ҷорӣ ва эълони қаблӣ ҷараён гирифт. Барои ҳалли муроҷиати шаҳрвандон, зимни қабул аз тарафи Маҳмадсаид Убайдуллоев ба масъулини сохторҳои пойтахт дастурҳо ва мӯҳлати мушаххас дода шуд. Зеро масъалаи қабули шаҳрвандон ва ҳалли мушкилоташон яке аз самтҳои афзалиятноки фаъолияти шаҳрдории Душанбе ба ҳисоб меравад. Назар ба иттилои котиби матбуотии Раиси шаҳри Душанбе Шавкат Саидов, муроҷиаткунандагон аз сатҳи қабул  ва натиҷаи тадбирҳои андешидашуда қаноатманд гардиданд. Бояд зикр кард, ки бо ибтикори шаҳрдорӣ бори нахуст баҳри ҳалли мушкилоти шаҳрвандон ва масъалаҳои марбут ба шаҳрдорӣ  13 октябри соли 2005 почтаи электронии Раиси шаҳри Душанбе таҳти унвони «dushanbe80@yahoo.com» дар шабакаи  Интернет фаъол гардида буд.