АЗ ҲАЁТИ ҲАМЗАБОНОНИ БУРУНМАРЗӢ

Душанбе, 2 сентябр. (АМИТ «Ховар», Дилшодаи Ҷонмард).-Бахшида ба оғози соли нави таҳсили 2010-2011-ум дар шахри Киеви Украина аъзои ҷамъияти "Тоҷикистон" бо роҳбарии cарвари  ҷамъият  Нурмаҳмад Собиров ҷамъ омада, тайёрии ҳамдиёрони худро ба соли нави таҳсил  баррасӣ намуданд. Аз ҷумла, Нурмаҳмад Собиров зимни суханронии хеш  ба  оилаҳои камбизоат гуфт, касоне ки барои соли нави таҳсил шароити  бо либоси мактабӣ таъмин намудани фарзандонро надоранд ё дар масъалаи мактаб танқисӣ мекашанд, ба унвони   ҷамъият муроҷиат намоянд. Ҷамъият дар муддати кӯтоҳ ба  ниёзмандон  кӯмаки хешро мерасонад. Дар ин бора ба хабарнигори АМИТ «Ховар» аз ҷамъияти «Тоҷикистон»-и шаҳри Киев хабар доданд.