ДАР ПОЙТАХТ «РӮЗИ КИТОБ» ҶАШН ГИРИФТА ШУД

       Душанбе, 4 сентябр. (АМИТ «Ховар», Дилшодаи Ҷонмард).- Имрӯз дар ҷумҳурӣ «Рӯзи китоб» ҷашн гирифта мешавад. Тайи чанд рӯз аст, ки дар китобхонаҳои пойтахт бахшида ба ин рӯз як қатор чорабиниҳо, аз ҷумла намоиши китобҳо, конфронсҳо ва вохўрию сўҳбатҳо бо адибонро мегузаронанд.       Бо ин мақсад, имрӯз 4 сентябр дар Китобхонаи миллии ба номи А. Фирдавсӣ дар вазъияти тантанавӣ бо иштироки намояндагони илму фарҳанг аз шаҳру навоҳии ҷумҳурӣ ва Академияи илмҳои Тоҷикистон чорабинии бошукӯҳ баргузор гардид.      Дар доираи он намоиши калони китоб ва рӯзномаю маҷалла муаррифӣ гардид, ки дар он беҳтарин осори китобхона ба маърази тамошо гузошта шуд.      Ҳамчунин, дар Китобхонаи давлатии бачагонаи ҷумҳуриявии ба номи М. Миршакар имрӯз бахшида ба «Рӯзи китоб» муаррифии китобҳо ва вохўрии шоирон бо хонандагон доир гардад.      Бояд ёдрас шуд, ки соли 2008 Президенти кишвар Эмомалӣ Раҳмон 4 сентябрро ҳамчун «Рўзи китоб» эълон намуд.