РӯЗИ ЯГОНАИ АХБОР ДАР ВИЛОЯТИ СУҒД

Душанбе, 23 декабр. (АМИТ «Ховар», Бекназари Абӯбакр). — Тибқи нақшаи чорабиниҳои мақомоти иҷроияи ҳокимияти давлатӣ дар  вилояти Суғд перомуни муҳокимаи лоиҳаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» рӯзи ягонаи ахбор гузаронида шуд. Аз хадамоти матбуоти раиси вилоят ба АМИТ «Ховар» хабар доданд, ки мутахассисони мақомоти иҷроияи ҳокимияти давлатии  вилояти Суғд ба шаҳрҳои Хуҷанд, Чкалов, Исфара, Қайроққум, Конибодом ва Бобоҷон Ғафуров баҳри фаҳмонида додани моҳияти лоиҳаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» сафарбар шуданд. Мавриди ёдоварист, ки дар шаҳру навоҳии дигари вилоят  пас аз баргузории иҷлосияҳои маҷлиси мақомоти маҳаллӣ  доир ба муҳокимаи  лоиҳаи Қонуни фавқуззикр ҷамъомад  гузаронида шуд.