САХОВАТИ АБДУРАҲМОН

Рашт,  23 декабр. (АМИТ «Ховар», М. Ризвонов). –Маориф  яке аз соҳаҳои  афзалиятнок  ба шумор рафта, ояндаи  давлату  миллати мо аз пешрафти ин соҳа вобаста  мебошад. Ҷавонмарди  саховатпеша Абдураҳмон Хоҷаев, сокини  деҳаи  Хуфаки ҷамоати деҳоти «Қаланак»-и  ноҳияи  Рашт дар  қатори  дигар  ҷавонони  баору  номус ва ватанпарвари кишвар дар  сохтмони ду  синфхонаи  иловагии  мактаби таҳсилоти умумии  рақами  42 –и зодгоҳаш саҳм  гузошт.  Устодону  шогирдони мактаби деҳаи мазкур аз кӯмаки беғаразонаи  ин марди саховатпеша   сипосгузоранд. Умед аст, ки сафи чунин фардони ватандӯсту хайрхоҳ меафзояд.