ТАНҲО 65 ФОИЗИ ТЕХНИКА КОРШОЯМ АСТ

   Душанбе, 23 декабр. (АМИТ «Ховар»Лаззат Диловарзод).- Бино ба маълумоти Агентии омори назди Президенти ҷумҳурӣ, то 1-уми декабри соли ҷорӣ дар хоҷагиҳои ҷамъиятӣ ва  деҳқонӣ (фермерӣ) 13 ҳазору 810 трактори гуногунтамға ба қайд гирифта шудааст, ки танҳо  916 адад ё 65 фоизашон дар ҳолати коршоямӣ қарор доранд. Айни замон аз 2780 тракторҳои шудгоркунанда — 1785, аз 4313 автомашинаҳои боркаш -1722, аз 611 комбайнҳои ғалладарав — 361, аз 7145 ядакҳои тракторӣ — 4820, аз 3502 испорҳои тракторӣ — 2599 ва аз 2916 тухмипошакҳои тракторӣ 1995 -тои он ба кор омода аст.    Ба иттилои ҳамин манбаъ, дар моҳҳои январ — ноябри соли 2010 ба хоҷагиҳои ҷамъиятӣ, деҳқонӣ (фермерӣ) 23 ҳазору 56 тонна сӯзишвории дизелӣ  ворид шудааст, ки нисбат ба ҳамин давраи соли 2009  3 ҳазору 933 тонна кам аст.