ВАЗЪИ ШУДГОРИ ТИРАМОҲӢ ДАР СУҒД

  Душанбе, 9 декабр. (АМИТ «Ховар», Бекназари Абӯбакр). — Кишоварзони вилояти Суғд соли ҷорӣ дар майдони 44 ҳазору 29 гектар кишти тирамоҳии зироати ғалладонагиро гузаронида, нақшаро дар ин самт  100,2 фоиз таъмин намуданд. Танҳо деҳқонони ноҳияи Зафаробод  нақшаи кишти тирамоҳиро то ба қадри 93 фоиз таъмин намуданд. Муовини сардори Сарраёсати кишоварзии вилояти Суғд  Рустам  Раҳимов иттилоъ дод, ки ҷараёни  аз ғӯзапоя тоза кардани майдонҳои пахтазор ба қадри  96 фоиз таъмин гардид. Ҳамарӯза  398 трактори шудгоркунанда  ба саҳро баромада, шудгори тирамоҳӣ дар вилоят  дар майдони 95 ҳазору 649 гектар гузаронида шуд, ки  ин  46,6 фоизи  майдони умумиро ташкил медиҳад. Дар ноҳияҳои Ашту Конибодом ва Исфара  дар майдони 118 га заминҳои шӯр шуда шуста шуд, ки ин нисбати соли гузашта  2,6 маротиба зиёд мебошад. То санаи 7 декабр майдони 24 ҳазору 39 гектар ба кишти пунбадонаи соли оянда омода гардид.