ХАТСАЙРҲОИ «ТОҶИК ЭЙР» ФОИДАОВАР НЕСТАНД

    Душанбе, 20 январ. (АМИТ «Ховар», Лутфия Эшонқулова). – Аз ҳама хатсайри зараровари ҶСК «Тоҷик Эйр» самти «Душанбе-Киев» мебошад, ки ҳар парвози он то 63 доллари ИМА зарар меорад»,-иброз намуд имрӯз дар нишасти матбуотӣ муовини аввали директори генералии ҶСК «Тоҷик Эйр» Валерий Шарипов.    Ӯ зикр намуд, ки ҳоло аз ҳама хатсайри фоидаовари «Тоҷик Эйр» самти Душанбе- Маскав ба шумор меравад, вале он ҳам он қадар фоидаи зиёд намеорад то дигар хароҷотҳо пӯшонида шаванд.    Ҳамчунин, муовини аввали директори ширкат аз он изҳори нигаронӣ намуд, ки хатсайрҳои ширкат аз сабаби кам будани мусофирон фоидаовар нестанд.    Вале ба ин нигоҳ накарда мо манфиати давлатро зарур шуморида, мунтазам парвозҳои хатсайрҳоро анҷом медиҳем.