ИФТИТОҲИ НБО ДАР ЗОДГОҲИ РӮДАКӢ

   Душанбе, 4 январ. (АМИТ «Ховар», Бекназари Абӯбакр). — Дар зодгоҳи Одамушшуаро Абӯабдулоҳи Рӯдакӣ — деҳаи Панҷрӯди ноҳияи Панҷакент нерӯгоҳи хурди барқи обӣ бо иқтидори 630 кВт ба истифода дода шуд. Дар ин бора ба АМИТ «Ховар» аз хадамоти матбуоти раиси вилояти Суғд иттилоъ доданд.    Дар расми кушодашавии ин нерӯгоҳ сардори шабакаҳои барқии вилояти Суғд Мӯъмин Тошматов, раиси шаҳри Панҷакент Хусрави Абдуназар ва дигар шахсони масъул иштирок намуданд.     Мавриди ёдоварист, ки сохтмони нерӯгоҳи мазкур моҳи марти соли гузашта аз тарафи соҳибкор Мардонқул Насриддинов шурӯъ гардида, он аҳолии деҳоти Панҷрӯд ва Кулолиро бо барқи худӣ таъмин менамояд.