БУНЁДКОРИҲО БА ХОТИРИ ИСТИҚЛОЛИЯТ

Хоруғ, 10 март. (АМИТ «Ховар», Л.Додо). – Ба  истиқболи  20 – умин  солгарди  Истиқлолияти давлатии ҶТ дар  ВМКБ  бунёди  60  иншооти  муҳими  иқтисодӣ  ва  иҷтимоӣ, аз  ҷумла  15  иншооти хизматрасонӣ, 4 нерӯгоҳи  хурди  барқӣ дар назар аст. Роҳбарону масъулини вилоят ният доранд то фарорасии ин ҷашни бошукӯҳ сохтмони  варзишгоҳи  ноҳияи  Ванҷ,  интернати  вилоятӣ  барои  кӯдакони  ятиму  бесаробони ноҳияи   Рӯшон,  гимназияи  Президентии  шаҳри  Хоруғ,   пули  мошингард аз болои  рӯдхонаи  Панҷ  дар  мавзеи  Хумроғи  ноҳияи  Ванҷро  ба итмом расонанд.