Ба вақти зимистона намегузарем

Душанбе, 12 октябр. (АМИТ «Ховар», Дилшодаи Хайруллоҳ). — Мутобиқи моддаи 6 Созишнома «Дар бораи ҳамкорӣ бобати таъмини ягонагии андозаи вақт ва басомад», ки онро ҳукуматҳои аъзои ИДМ 9 октябри соли 1992 имзо карда буданд, мамлакатҳои аъзо 30 октябри соли 2011 аз соати 3-00 вақти Москва ба вақти «зимистона» мегузаранд ва ақрабаки соат як соат ақиб бурда мешавад.Ҷумҳурии Тоҷикистон аз соли 1991 ба вақти «зимистона» намегузарад, аз ин рӯ дар қаламрави ҷумҳурӣ ақрабаки соат ақиб бурда намешавад. Азбаски соли ҷорӣ дар Федератсияи Русия гузаштан ба вақти «зимистона» барҳам дода шуд, тафовути вақт бо Масква бетағйир монда чун ҳозира як соатро ташкил медиҳад.