Донишҷӯён ба санъату ҳунар дилбастагии зиёд доранд

Душанбе, 12 октябр. (АМИТ «Ховар», Дилшодаи Хайрулло). -Дар баробари таъмини дигар шароити мавҷуда барои омӯзиш ва аз бар намудани касбу ҳунар роҳбарияти Муассисаи давлатии литсей — интернати касбии махсуси маъюбон дар байни хонандагон корҳои оммавӣ ва фарҳангиро пайваста ба роҳ мемонад.Чанде қабл дар доираи барномаи таҳиянамудаи маъмурияти таълимгоҳ вохӯрии муҳассилини мактаб — интернати мазкур бо оҳангсозони шинохта роҳандозӣ карда шуд.Дар ҷараёни мулоқот шогирдони таълимгоҳ роҷеъ ба паҳлӯҳои мухталифи ҳаёту фаъолияти эҷодӣ ва шохаҳои гуногуни фарҳангу ҳунар андешаи назар карда, перомуни нозукиҳои илми санъатшиносӣ маълумоти муфассал пайдо намуданд.Тавре аён гардид, қисми зиёди донишҷӯён нисбат ба санъату ҳунар дилбастагии  зиёд дошта, барои расидан ба ҳадафҳои худ пайваста ба омӯзишу  эҷод машғуланд.